اقتاۋ قالاسىندا 1 ءساۋىر كۇنى ۆەلوشەرۋ ء وتتى. شارا ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىن ىسكە اسىرۋ ماقساتىندا جانە ەلوردامىز استانا قالاسىنىڭ 20 جىلدىق مەرەيتويى قارساڭىندا ۇيىمداستىرىلدى.
ۆەلوسپورت ماۋسىمىنىڭ اشىلۋىنا اقتاۋ قالاسىنىڭ 300-گە جۋىق تۇرعىنى قاتىستى. 35 شاعىن اۋداننان باستالعان ۆەلوشەرۋ 15 شاعىن اۋدانداعى تەڭىز جاعالاۋىندا اياقتالدى.
- ناۋرىز ايى ەلباسىنىڭ جارلىعىمەن بەكىتىلگەن العىس ايتۋ كۇنىنەن باستاۋ الادى. وبلىس تۇرعىندارى ءۇشىن بۇل مەرەكە ءبىر ايعا سوزىلدى. جەلتوقسان ايىندا باستالعان «اسار-جومارت جۇرەك» قايىرىمدىلىق مارافونى وسى كوكتەمدى جالعاسىن تاپتى. سونىڭ اياسىندا ماڭعىستاۋ وبلىسىنداعى 6 300 الەۋمەتتىك از قامتىلعان وتباسىعا 55 ملن. تەڭگەدەن استام قارجىعا كومەك كورسەتىلدى.
بۇگىن «اسار-جومارت جۇرەك» اكتسياسىنىڭ قورىتىندىلاپ, ءبىز بارشا ماڭعىستاۋلىقتاردىڭ ءداستۇرلى جانە سۇيىكتى سپورتىنا اينالعان ۆەلوجارىس وتكىزۋدى باستايمىز. وزدەرىڭىز بىلەتىندەي, دەنى ساۋدىڭ – جانى ساۋ! ەلباسىمىز ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا «سالاماتتى ءومىر سالتىن ناسيحاتتاي وتىرىپ, قوعامدىق دەنساۋلىقتى باسقارۋ ءىسىن كۇشەيتۋ كەرەك. جاستاردىڭ رەپرودۋكتيۆتى دەنساۋلىعىن قورعاۋعا جانە نىعايتۋعا ەرەكشە نازار اۋدارۋ قاجەت» دەگەن بولاتىن. سوندىقتان بۇگىن مەن سالاۋاتتى ءومىر سالتىن ناسيحاتتاۋ ايىنىڭ باستالۋىن جاريالايمىن, ونىڭ بارىسىندا وبلىس بويىنشا سپورت تۇرلەرىنەن جارىستار, تۋرنيرلەر مەن چەمپيوناتتار وتكىزىلەدى, دەدى ۆەلوشەۋرگە قاتىسقان وبلىس اكىمى ەرالى توعجانوۆ.
سونداي-اق, «اسار» قايىرىمدىلىق اكتسيانىڭ اياسىندا ايماق باسشىسى الەۋمەتتىك جاعدايى تومەن وتباسىنداعى بالالارعا ۆەلوسيپەد سىيعا تارتىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى